AQSh Suriyada yangi kimyoviy hujumga tayyorgarlik ketayotgani borasida dalillarni taqdim etmaydi

AQSh davlat departamenti rasmiy vakili Xizer Nauertning ma'lum qilishicha, mamlakat ma'muriyati Suriyada kimyoviy qurol qo‘llanilishiga tayyorgarlik olib borilayotgani borasidagi dalillarni taqdim etmaydi.

«Ular (dalillar) ochiqlanmaydi, sababi bu razvedkaning ishi. Barchangizga ma'lumki, ba'zida shunday holatlar paydo bo‘ladiki, ular haqida batafsil ma'lumotni keltirishimiz mumkin emas. Biroq, ular Qo‘shma Shtatlar hukumati e'tiborini o‘ziga tortmoqda», - deya ta'kidlab o‘tdi u.