Voyaga yetmagan qiz firibgarlik sodir qildi

Buxoro shahrida yashovchi, 1982 yilda tug‘ilgan, Kogon shahar “Chashm gavhari” kilinikasi hamshirasi N.Shodiyeva ariza orqali murojaat qildi, deb xabar berdi Kun.uz’ga Buxoro IIB.

Ma'lum qilinishicha, u arizada Buxoro shahar Alpomish ko‘chasi 17/4-uyda yashovchi, 2000 yilda tug‘ilgan voyaga yetmagan, Buxoro Turizm kolleji 3-bosqich talabasi Diana Ilichova Dmitriyevna, ushbu kollejning 3-bosqichida tahsil oladigan qizi M.Hayitovaning ishonchiga kirib, “Ark” qo‘rg‘oni oldida bir kunga taqib turish uchun deb aldab, bahosi 2.500.000 so‘mlik tilla bilakuzugini qo‘lga kiritib, uni “Shahriston” bozorida ishlaydigan M. To‘qsanovaga 1.100.000 so‘mga sotib, firibgarlik jinoyatini sodir qilganligini bildirgan. 

Ushbu holat yuzasidan D.Ilichovaga nisbatan O‘zbekiston Respublikasi Jinoyat Kodeksining 168-moddasi 1-qismi bilan jinoyat ishi qo‘zg‘atilgan.