Tramp: "Janubiy Koreyaga 25 milliard dollarlik suyultirilgan tabiiy gaz yetkaziladi"

AQSh prezidenti Donald Tramp shu yil Janubiy Koreyaga borish taklifini mamnuniyat bilan qabul qilganini izhor etdi, dedi Janubiy Koreya yetakchisi  Mun Je-In.

«Men prezident Trampni shu yil Janubiy Koreyaga tashrif buyurishga taklif qildim va u taklifimni qabul qildi», — dedi Mun Je-In Oq uyda amerikalik hamkasbi bilan bo‘lib o‘tgan muzokaralardan keyingi matbuot anjumanida.

Uning so‘zlariga ko‘ra, «bu tashrif ikki mamlakat do‘stligini namoyish etib, har ikki mamlakat o‘ratasidagi hamkorlikning belgisi bo‘ladi».

Donald Tramp esa Janubiy Koreya va Cheniere kompaniyasi o‘rtasida tuzilgan 25 milliard dollarlik bitim doirasida Seulga suyultirilgan tabiiy gaz yetkazib berish boshlanishini e'lon qildi.

«Shu oydan boshlab umumiy summasi 25 milliard dollarlik bitim doirasida Amerikada ishlab chiqarilgan suyultirilgan gazni Koreyaga yetkazish boshlanadi. Albatta, bu juda ajoyib», — degan Tramp Janubiy Koreya prezidenti Mun Je-In bilan Oq uyning Ovalli kabinetida bo‘lib o‘tgan muzokaralar yakuniga bag‘ishlab chiqish qilar ekan.