Tataristondagi fojia qurbonlari ortdi, 3 kunlik motam e'lon qilindi

Tataristonning Zainsk tumanida yuk avtomobili va avtobus ishtirokidagi YTH oqibatida qurbon bo‘lganlar soni 14 kishini tashkil qilmoqda. Bu haqda respublika sog‘liqni saqlash vazirligi ma'lum qildi.

Rossiya Tergov qo‘mitasining respublika bo‘yicha boshqamasi rahbari yordamchisi Elvir Gazizovning malum qilishicha, avtobus ichidan 14 jasad olib chiqilgan.

Oxirgi xabarlarda fojia qurbonlari soni 13 kishini (2 bola), jabrlanganlar soni 15 nafar ekani aytilgandi.

Tatariston prezidenti Rustam Minnixanov qurbonlarning yaqinlariga hamdardlik bildirgan va respublikada 3 kunlik motam e'lon qilgan.

2 iyul, yakshanbaga o‘tar kechasi Zainsk shahridan 9 kilometr uzoqda KamAZ yuk avtomobili va «Neoplan» yo‘lovchi avtobusi to‘qnashdi. Samara — Ijyevsk yo‘nalishida harakatlanayotgan avtobus ag‘darildi va yonib ketdi.