2026 yil mart oyida Rossiya prezidenti Vladimir Putinning Valdaydagi rezidensiyasi yaqinida havo hujumidan mudofaa tizimi hisoblangan “Pansir” majmualari bilan jihozlangan yana yettita qöşimça minora paydo böldi. Şu tariqa, ularning umumiy soni 27 taga yetdi. Bu haqda 12 aprel, yakşanba kuni, “Sistema” loyihasi suriştiruvçilari xabar qildi.
Loyiha jurnalistlari sun’iy yöldoş tasvirlarini tahlil qilib, barça yetti minoraning qurilişi bir vaqtning özida — 17 mart kuni boşlangan, degan xulosaga kelgan. Ular ma’lumotiga köra, yangi obektlarning bir qismi allaqaçon zenit-raketa majmualari bilan jihozlangan.
Ta’kidlanişiça, Valdaydagi havo hujumidan mudofaa tizimlari Moskvadagi sxemaga öxşaş tarzda joylaştirilgan — ular rezidensiya atrofida turli radiusga ega bölgan ikkita himoya halqasini hosil qiladi.
Ma’lumotga köra, şuningdek, Tataristondagi “Alabuga” maxsus iqtisodiy zonasi hududida ham yirik kalibrli pulemyotlar örnatilgan 20 dan ortiq minora va “Pansir” majmualari joylaştirilgan bir neçta platforma qurilgan.
Jurnalistlar xabar berişiça, aynan şu yerda Eronning Shahed dronlarining modifikatsiya qilingan versiyalari deb hisoblanadigan “Geran” uçuvçisiz apparatlari işlab çiqariladi.
