Indoneziyada odamlarni qutqarish uchun yo‘l olgan vertolyot qulab tushdi

Indoneziyada sakkiz kishi vertolyot qulab tushishi oqibatida vafot etdi. Assoshieyted Press agentligi hukumatga asoslanib xabar qilishicha, qutqaruv vertolyoti halokatga uchragan.

Ma'lum qilinishicha, vertolyot Yava orolida uyg‘ongan vulqon tufayli aholini evakuatsiya qilish uchun yo‘l olgandi. Vulqon tufayli voqea hududida 2 kishi halok bo‘lgan.

Vulqon yakshanba kuni Markaziy Yava viloyatida uyg‘ondi. Vulqon 50 metr balandlikka kul otmoqda. Kamida 10 sayyoh vulqon uyg‘onishi tufayli jabrlangan.