Indoneziyada vertolyot falokatga uchrashi oqibatida 8 kishi halok bo‘ldi

Indoneziyada qutqaruv vertolyotining falokatga uchrashi oqibatida 8 kishi halok bo‘ldi, deb xabar bermoqda "Assoshieyted Press" axborot agentligi.  

Axborot agentligi ma'lumotlariga ko‘ra, vertolyot 2 iyun ertalab Seleri vulqoni otilgan Yava oroliga aholini evkuatsiya qilishga yo‘nalayotgan vaqtda falokatga uchragan. 

Politsiyaning ma'lum qilishicha, vertolyotda ekipajning 5 a'zosi va 4 yo‘lovchi bo‘lgan. 

Ma'lum qilinishicha, voqea yuz bergan vaqtda hududda kuchli tuman bo‘lgan va vertolyot ehtimol toqqa urilgan bo‘lishi mumkin. 

Vulqon 2 iyun ertalab Markaziy Yava viloyatida otilgan. Vulqon tashqariga 50 metrlik kul ustunini otgan. Vulqon otilishi oqibatida kamida 10 nafar sayyoh jarohat olgan.