OAV: Fransiyadagi masjidlardan birining yonida otishma sodir etildi

2 iyul kechki vaqt Fransiya janubi-sharqida joylashgan Avinon shahridagi masjidlardan birining yonida otishma sodir etilishi oqibatida kamida 8 kishi jarohat oldi. Bu haqda La Provence nashri xabar bermoqda. 

Nashr ma'lumotlariga ko‘ra, voqea mahalliy vaqt bilan soat 22:30larda yuz bergan. Niqobda bo‘lgan 2 erkak masjid yoniga mashinada kelib, u yerdan chiqayotgan odamlarga o‘q uza boshlagan. Oqibatda ko‘chada bo‘lgan 4 kishi va yaqin oradagi binoda yashovchi 4 kishidan iborat oila jabr ko‘rgan. 

Voqea joyiga politsiya yetib kelgan. Jinoyatchilar yashirinishga muvaffaq bo‘lishgan.