Yoshlar ittifoqining faol a'zosi bo‘lgan talabalar kontraktining 35 foizi to‘lab beriladi

O‘zbekiston yoshlar ittifoqi tashkilotga faol a'zo bo‘lgan talabalar to‘lov kontrakti miqdorining 35 foizini to‘lab beradi. Bu haqda «Yoshlarga oid davlat siyosati samaradorligini oshirish va O‘zbekiston yoshlar ittifoqi faoliyatini qo‘llab-quvvatlash to‘g‘risida»gi farmonida belgilangan.

Hujjatga ko‘ra, Oliy ta'lim muassasalarining bakalavriat va magistratura bosqichlari talabalariga o‘rtacha o‘zlashtirish ko‘rsatkichi 86 foiz va undan yuqori bo‘lgan taqdirda ta'lim bo‘yicha to‘lov kontrakti miqdorining 35 foizi O‘zbekiston yoshlar ittifoqining rivojlantirish jamg‘armasi mablag‘lari hisobidan to‘lanadi.

Shuningdek, ushbu tizimda 3 yil va undan ko‘p muddat davomida faol ishlab kelayotgan xodimlarga uy-joy sotib olish uchun ipoteka kreditining boshlang‘ich to‘lovi to‘lab beriladi.