Rossiyada 2017 yil birinchi yarmidagi eng ommabop Kia modeli aniqlandi

2017 yil iyun oyida Rossiya avtomobil bozorida 16 755 dona Kia avtomobillari sotildi, bu 2016 yil natijasiga nisbatan 31,1 foizga ko‘pdir.

Umuman, Koreya kompaniyasi joriy yil yanvar-iyun oylarida Rossiyada 85 ming 189ta mashina sotgan. Shu bilan 22,1 foizlik o‘sishni ko‘rsatgan. Bundan tashqari, birinchi yarim yillik va iyun oyi natijalariga ko‘ra, Kia hissasi 11,9 foizni tashkil etgan. 

Kompaniyaning eng ommabop modellari uchligi o‘tgan oy va birinchi yarim yillikda o‘zgarishsiz bir xildir: birinchi o‘rinda Rio, ikkinchida Sportage ixcham krossoveri mustahkam joylashib olgan. Uchlikni Kia Cee’d tamomlaydi.

Qayd etish o‘rinliki, o‘tgan olti mobaynidagi savdo natijalariga ko‘ra, Kia Rio Rossiya avtobozoridagi eng mashhur avtomobil bo‘ldi.