Xitoydan O‘zbekistonga yangi yuk poyezdi qatnovi yo‘lga qo‘yildi

Kuni kecha Xitoy-Yevropa temiryo‘l orqali yuk tashuvlari loyihasi doirasida Xitoyning Tszyansi viloyatidan O‘zbekistonga yangi yuk yo‘nalishi bo‘yicha harakat ochildi. Bu haqda Sinxua xabar bergan.

Po‘lat g‘altaklar, kiyim-kechak va har kunlik iste'mol mollari ortilgan poyezd Ganchjou shahridan juma kuni yo‘lga chiqdi va Toshkentga 12 kundan so‘ng yetib keladi. Poyezddagi yuklar qiymati 1,8 mln AQSh dollariga teng.

Ta'kidlab o‘tish joizki, 2011 yilning avgustida Chuntsin-Duysburg yo‘nalishi ochilganidan so‘ng, Xitoy va Yevropa hamda Markaziy Osiyo shaharlari o‘rtasida 4 mingdan ortiq yuk poyezdlari reysi amalga oshirildi.