Toshkent viloyati hokimi yoshlarning muammo va yutuqlari bilan qiziqdi

Joriy yilning 30 iyun kuni “Kamolot” yoshlar ijtimoiy harakatining navbatagi IV qurultoyida Prezident tashabbusi bilan «O‘zbekiston yoshlar ittifoqi» tashkil etildi. Yangi tashkil etilgan ittifoq yoshlarning haq-huquqlari hamda manfaatlarini chinakamiga himoya qila oladigan, dardu alamini tinglab, muammolarining yechimi topishiga ko‘mak bera oladigan, vatanning har bir yoshi intiladigan va ishonch bildira oladigan tashkilot bo‘ladi.

“O‘zbekiston yoshlar ittifoqining tashkil etilishi minglab yoshlar uchun keng imkoniyatlar eshigini ochdi, tomirda milliy g‘urur, vatan ishqi jo‘sh urgan har bir o‘zbek farzandining kuchiga kuch, g‘ayratiga g‘ayrat qo‘shdi.

Iqtidorli yoshlar bilan birga uyushmagan: ishlamaydigan, o‘qimaydigan, tayin bir mashg‘ulotga ega bo‘lmagan salbiy ta'sirlarga tushib qolgan ba'zi yoshlar bilan ko‘proq ishlash kerakligi alohida ta'kidlandi. Toshkent viloyati hokimi ShukrulloXabibullayevich Babayev ishtirokidagi tadbir ochiq muloqot tarzida tashkil etildi. Tadbirda iqtidorli yoshlar, yosh olimlar va abuturentlar ishtirok etdi. Jarayonda yoshlarning muammo va yutuqlari o‘rganildi. Mana shunday tadbirlar kelgusida muntazam ravishda o‘tkazilishi belgilandi.