«Barselona» hujumchisi Neymar «PSJ»ga transferi bo‘yicha muzokara o‘tkazmoqchi.
AS manbasi bergan ma'lumotga ko‘ra, shu haftada braziliyalik futbolchining otasi Parij klubi prezidenti Nosir al-Helayfi bilan uchrashib, muzokara o‘tkazmoqchi.
Neymarni olish evaziga «PSJ» Marko Verrattini «Barselona»ga qo‘yib yuborishga rozi bo‘lishi mumkin.
Bundan avvalroq, ushbu futbolchi Lionel Messi soyasida qolib ketayotgani tufayli kataloniyaliklar klubidan ketishi haqida xabarlar tarqalgandi.
Keyinroq «PSJ» «Barselona»dan Neymarni 222 million yevroga transfer qilmoqchiligi haqida xabar paydo bo‘ldi.
Biroz oldin katalonlar jamoasi vakili ushbu futbolchi transferga qo‘yilmasligini ma'lum qildi.
