Франциялик қўшиқчи ўз концерти вақтида оламдан ўтди
16:30 / 20.07.2017
19322

Француз қўшиқчиси Барбара Велденс ўз концерти вақтида қўққисдан вафот этди. The Independent хабарига кўра, ҳодиса Франция жануби-ғарбидаги Гурдон шаҳрида жойлашган черковда содир бўлган.

Айни вақтда ўлим сабаби аниқ эмас. Турли манбаларга кўра, Велденснинг юраги ток уриши туфайли тўхтаган бўлиши мумкин. 

Валденс Лео Ферре фестивали доирасида концерт бераётганди.

Полиция ҳодиса сабабларини ўрганмоқда.

Февраль ойида ушбу қўшиқчи Le grand H de l’homme номли илк альбомини тақдим этганди. Ўтган йилнинг ноябрида у Шарль Кро номидаги ёш қўшиқчилар Академияси мукофотига сазовор бўлганди.


Улашинг
Top