Qatar amiri shayx Tamim bin Xamad al-Taniy qator arab davlatlari tomonidan Doha nisbatan e'lon qilingan boykotni qoraladi, shuningdek, davlatlar o‘rtasidagi mojaroga yechim topishga umid bildirdi. Bu haqda Al Jazeera xabar qilmoqda.
Qatar rahbarining aytishicha, mamlakati bor bo‘lgan muammolarni hal qilish uchun muloqotga ochiq, biroq bunda boshqa mamlakatlar Qatar suverenitetiga hurmat bilan munosabatda bo‘lishi lozim.
Shuningdek, uning ta'kidlashicha, boykot “Qatarni jahon hamjamiyati ko‘z o‘ngida yomonotliq qilishga qaratilgan va yaxshi rejalashtirilgan kampaniyadir”. Uning fikricha, boykot e'lon qilgan davlatlar rejasi muvaffaqiyatsizlikka yuz tutdi, sababi “amirlik aholisi juda irodali ekanliklarini ko‘rsatishgan”.
Al-Taniyning qo‘shimcha qilishicha, “Qatar terrorizm bilan qattiq kurash olib bormoqda va bu xalqaro arenada tan olindi”.
