Afg‘oniston IIV xabariga ko‘ra, Kobuldagi qo‘poruvchilikda 24 kishi qurbon bo‘lgan, 42 kishi yaralangan. Jabrlanganlarning barchasi tinch aholi vakillaridir, deb xabar qilmoqda 1TV telekanali.
Avvalroq 20 kishining halok bo‘lgani va 22 kishi tan jarohat olgani haqida xabar qilgan edik.
Hudkush terrorchi avtomobilda kelib Kobuldagi tumanlardan birida o‘zini portlatib yuborgan. Tolo News telekanali xabar qilishicha, portlash Afg‘oniston ijro hokimiyati rahbarining ikkinchi o‘rinbosari Muhammad Muhaqqiq uyining yaqinida sodir etilgan.
