Xitoyning Yunnan viloyatida davom etayotgan surunkali yomg‘ir yog‘ishi oqibatida kelib chiqqan suv toshqinlari 10 kishining umriga zomin bo‘ldi. 1,2 ming kishi shoshilinch ravishda xavfsiz joylarga ko‘chirilgan, deb xabar qilmoqda RIA Novosti.
19 iyuldan buyon viloyatning 45 uyezdida yomg‘ir to‘xtagani yo‘q. Buning natijasida ayrim joylarda suv toshqinlari va ko‘chkilar sodir bo‘lgan.
Tabiiy ofat 223 mingga yaqin inson tashvishiga sabab bo‘lgan. 200 ta bino vayron bo‘lib, yana 2,4 ming inshootga talofat yetgan.
Bevosita iqtisodiy talofat 40 mln dollarga yaqin mablag‘ni tashkil etgani aytilmoqda.
