Gretsiyada 4 mlrd dollarni bitkoinlar yordamida yuvishda gumonlangan rossiyalik qo‘lga olindi

Gretsiya politsiyasi 4 mlrd AQSh dollarini bitkoinlar tranzaksiyasi yordamida yuvishda gumonlanayotgan rossiyalikni qo‘lga oldi. Bu haqda Associated Press xabar bermoqda.

Rossiyalik Gretsiya shimolida qo‘lga olingan, uning ismi oshkor etilmayapti. Xabarga ko‘ra, u 38 yoshda. Ushbu shaxsning mehmonxonadagi xonasidan elektron qurilmalar topilgan.

Gretsiya politsiyasining ma'lum qilishicha, qo‘lga olingan rossiyalik “eng yirik kiberjinoiy saytlardan biriga” rahbarlik qiluvchi jinoiy tashkilotning boshida turgan.