Iroq va Suriyada Yevropa Ittifoqidan 2 ming jangari borligi ma'lum qilindi

Iroq va Suriyada Yevropa Ittifoqi davlatlarida yashovchi va IShID saflariga qo‘shilgan 2 mingga yaqin xorijiy jangari bor, deb ma'lum qildi 26 iyulda xavfsizlik bo‘yicha yevrokomissar Julian King.

"Aniq sonlarni aytish qiyin, biroq, yaqindagi baholashlarga ko‘ra, Yevropa Ittifoqida yashovchi 2 mingga yaqin xorijiy terrorchi-jangari Iroq yoki Suriyada bo‘lgan", deb aytgan Bryusselda jurnalistlarga King. 

Kingning aytishicha, jangarilarning bir qismi o‘lib ketgan, qolgan qismi esa Yevropaga qaytish istagida bo‘lishi mumkin va shuning uchun Yevropa Ittifoqi tashqi chegaralardan o‘tishda bunday jangarilarni aniqlash bo‘yicha zaruriy choralarni ko‘rib qo‘ygan.