Qoraqalpog‘istonda "olib-sotarlar"ning 60 mln so‘mdan ortiq mahsulotlari olib qo‘yildi

Qoraqalpog‘istonda 2017 yilning o‘tgan davrida o‘tkazilgan nazorat tadbirlari natijasida 125 ta holatda belgilangan tartibda davlat ro‘yxatidan o‘tmasdan, tegishli hujjatlarsiz sotilayotgan 61 mln. 929,5 ming so‘mlik 17 tonna 768 kg qishloq xo‘jalik mahsulotlari savdo o‘rinlaridan daliliy ashyo sifatida olib qo‘yilib, javobgarlik chorasini qo‘llash uchun tegishli tartibda hujjatlar rasmiylashtirilgan. Bu haqda Kruz.uz QR DSB axborot xizmatiga asosan xabar berdi.

Shundan, dehqon bozorlarida «olib sotarlar» tomonidan qishloq xo‘jalik mahsulotlari, ya'ni, kartoshka va piyozning narxini sun'iy ravishda oshirgan 25 ta fuqaroning davlat ro‘yxatidan o‘tmasdan faoliyat yuritayotganligi aniqlanib, savdo o‘rinlaridan tegishli hujjatlarsiz 13 mln. 90,3 ming so‘mlik 5,1 tonna kartoshka va piyoz mahsulotlari daliliy ashyo sifatida olib qo‘yilib, ularga ham javobgarlik chorasini qo‘llash uchun tegishli tartibda hujjatlar rasmiylashtirilgan.