Hindistonda toshqinlar sababli 48 kishi halok bo‘ldi

26 iyunda Hindiston g‘arbida toshqinlar oqibatida 48 kishi halok bo‘ldi.

Toshqinlar jadal ravishda yog‘ayotgan musson yomg‘irlari bilan keltirib chiqarilgan.

Ma'lumotlarga ko‘ra, qurbonlarning ko‘pchiligi ikki shtat – Rajaston va Gujarotdan bo‘lib, bu shtatlarda mos ravishda 19 kishi va 29 kishi halok bo‘lgan.

Bundan tashqari, Rajastondagi yuzlab odamlar murakkab ob-havo sababli o‘z uylarini tark eta olmayaptilar.

Qayd qilib o‘tish kerakki, musson yomg‘irlari mavsumi avgustgacha davom etadi.