Ronalduning o‘g‘li yana ukalar istamoqda

«Real» hujumchisi Krishtianu Ronaldu kelgusida oilasi yanada katta bo‘lishi mumkinligi haqida gapirdi.

– Kichik Krishtianuda endi katta mas'uliyat paydo bo‘ldimi?

– Ha, oilamizda eng kattasi bo‘ladi. U bundan xursand.

Bilasizmi, u menga nima dedi: «Dada, men yana ukalarim bo‘lishini xohlayman». Hozir emasdir, kelajakda. U sehrli raqamni xohlamoqda – yetti. Men unga aytdim: «Kel shoshilmaylik. Barchasi xudoning qo‘lida», – degan Ronaldu Xitoy televideniyesi efirida.

Futbolchining o‘zi «Real»da ham, Portugaliya terma jamoasida ham 7-raqamda harakat qiladi. U hozircha oila qurib ulgurmagan bo‘lsa-da, uch farzandning otasi. Farzandlarning barchasi surrogat onalardan tug‘ilgan, 7 yoshli Krishtianu va o‘tgan oyda dunyoga kelgan egizaklar Yeva hamda Mateo. Ayni vaqtda uning mahbubasi Jorjina Rodriges homilador.