Shell yong‘in tufayli Yevropadagi eng yirik neft zavodi ishini to‘xtatdi

Foto: @PTalkShows

Yong‘in tufayli Rotterdamda (Niderlandiya) joylashgan Yevropadagi eng yirik neft zavodi ishi to‘xtatildi.

Yong‘in 30 iyul kechki payt elektropodstansiyada chiqqan. Alangani 31 iyul ertalab o‘chirishga muvaffaq bo‘lingan. Shell kompaniyasi vakilining aytishicha, zavodni qayta ishga tushirish uchun “soatlar yoki hattoki bir necha kunlar” talab qilinishi mumkin.

Kompaniya vakili, shuningdek, yong‘inga qisqa tutashuv sabab bo‘lgani haqidagi ma'lumotni rad etgan.