Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
Тошкентда талончилик қилган 2 шахс қўлга олинди, улардан бири аёл киши
16:06 / 31.07.2017
4778

2017 йилнинг 25 июль куни тахминан соат 13:30ларда Азизбек Аҳмедов ва Шоҳиста Абдураҳмонова ўзганинг мулкини очиқдан-очиқ равишда талон-торож қилиш мақсадида Бектемир тумани ҳудудида фуқаро Жўрабек Муҳаммедовнинг (жабрланувчининг анкета маълумотлари ўзгартирилган) соғлиги учун хавфли бўлмаган зўрлик ишлатиб, унга тегишли бўлган «Samsung» русумли уяли телефони ва пулларини эгаллаб олганлар. Бу ҳақда пойтахт ИИББ хабар берди.

Мазкур ҳолат юзасидан, Бектемир тумани ИИБ ҳузуридаги Тергов бўлими томонидан Ўзбекистон Республикаси ЖКнинг 166-моддаси 2-қисми «а,в» бандлари (талончилик, яъни бир гуруҳ шахслар томонидан олдиндан тил бириктириб, соғлиқ учун хавфли бўлмаган зўрлик ишлатиб, ўзганинг мулкини очиқдан-очиқ талон-торож қилиш) аломатлари билан жиноят иши қўзғатилган. 

Ҳозирда дастлабки тергов ҳаракатлари давом эттирилиб, уларнинг бошқа жиноятларга алоқадорликлари текширилмоқда. 


Улашинг
Top