Kataloniyaning «Barselona» klubi «PSJ»ga o‘tishi kutilayotgan Neymar bilan bog‘liq vaziyat yuzasidan rasmiy izoh berib o‘tdi.
«Tongi mashg‘ulotlardan oldin, Neymar jamoani tark etish niyatini bildirdi va shu sababdan biz unga mashg‘ulotlarni o‘tkazib yuborishiga va o‘z kelajagi bo‘yicha bir qaror kelishi uchun ruxsat berdik», – deyiladi Kataloniya klubi rasmiy saytida.
Eslatib o‘tamiz, oldinroq «PSJ» Neymarning shartnomasidagi tovon puli 222 million yevroni klub xo‘jayiniga tegishli bo‘lgan Qatardagi fond orqali to‘lamoqchi ekani ma'lum bo‘lgandi.
