O‘smir samolyotning to‘liq to‘xtatishini kutib o‘tirmay undan tushishga qaror qildi

Panamadan San-Frantsisko aeroportiga samolyot kelib qo‘nishi bilan unda kelayotgan o‘smir bortning to‘liq to‘xtashini kutib o‘tirmay undan chiqishga qaror qildi. NBC telekanalining ma'lum qilishicha, 17 yoshli o‘smir favqulodda eshikni ochib, samolyot qanotiga sakrab, undan esa polosaga tushib olgan.

Samolyot yo‘lovchilarining aytishlaricha, o‘smir butun parvoz vaqtida o‘zini juda bezovta tutgan.

O‘smir polosaga tushishi bilan uni aeroport xodimlari ushlab olishgan va politsiyaga topshirishgan. Hozircha o‘smirga qanday choralar qo‘llanishi noma'lumligicha qolmoqda.