O‘zbekiston Respublikasi Prezidenti Shavkat Mirziyoyev Afg‘oniston Islom Respublikasi Prezidenti Muhammad Ashraf G‘aniga maktub yo‘lladi.
Maktubda Afg‘onistonning Hirot shahridagi masjid binosida sodir etilgan mudhish va yovuz terrorchilik harakati oqibatida ko‘plab begunoh insonlarning qurbon bo‘lgani va og‘ir jarohat olgani munosabati bilan prezidentga va birodar Afg‘oniston xalqiga chuqur ta'ziya va hamdardlik bildirildi.
Davlat rahbari nobud bo‘lganlarning oila a'zolariga va yaqinlariga sabr-toqat va bardamlik, jarohat olganlarga esa tez fursatlarda sog‘ayib ketishni tiladi.
