Xitoy Xalq Respublikasi tashqi ishlar vazirligi AQSh prezidenti Donald Tramp tomonidan imzolangan Rossiya, Eron hamda KXDRga nisbatan sanksiyalarni kuchaytirish to‘g‘risidagi qonunga rasman qarshi chiqdi.
«Xitoy tomoni bir tomonlama sanksiyalarga qarshi chiqadi», - deya hujjatdan iqtibos keltiradi TASS.
Ta'kidlanishicha, Pekin «davlatlararo mojarolarni bir-biriga hurmat, teng huquqli muloqot yo‘li orqali hal qilish» tarafdoridir.
Eslatib o‘tamiz, 2 avgust kuni AQSh prezidenti Donald Tramp Rossiya Federatsiyasiga qarshi yangi sanksiyalar to‘g‘risidagi qonunni imzoladi.
