Shimoliy Koreya poytaxti Pxenyanda BMTning KXDRga nisbatan sanksiyalari kuchaytirilishiga qarshi ko‘p ming sonli miting bo‘lib o‘tdi. Bu haqda Associated Press xabar bermoqda. BMT sanksiyalarni ikkita qit'alararo ballistik raketa uchirilganiga javoban kuchaytirdi.
KXDR hukumati miting doirasida Kim Ir Sen maydonida yig‘ilganlar uchun yangi sanksiyalar bo‘yicha bayonot bilan chiqib, AQSh va ularning ittifoqchilarini sanksiya rezolyutsiyasini yo‘q joydan keltirib chiqarish hamda BMTga bosim ko‘rsatishda aybladi.
5 avgust kuni BMT Xavfsizlik Kengashi KXDRga nisbatan sanksiyalarni kuchaytirish uchun ovoz berdi. Bu ushbu davlat ikkita qit'alararo ballistik raketani uchirganiga javoban amalga oshirildi. Shimoliy Koreya ittifoqdoshlari – Rossiya va Xitoy ham “Ha” deb ovoz bergan.
Avvalroq KXDR BMT XK sanksiyalariga javoban «jismoniy harakatlar» bilan tahdid qilgandi.
