Turkiyada 35 nafar jurnalistni hibsga olish uchun order berildi

Turkiya prokuraturasi muxolifatchi Fathulloh Gulenning FETO tashkilotiga aloqadorlikda gumon qilinayotgan 35 jurnalistni hibsga olish uchun order berdi. Bu haqda Anadolu agentligi xabar qilmoqda.
  
Manbalar ma'lumotiga ko‘ra, ayni damga kelib ulardan to‘qqiz nafari qo‘lga olingan.

Gumonlanuvchilar ByLock mobil ilovasidan foydalanishda ayblanmoqda. Bu ilovadan, iddao etilishicha, 2016 yilda Turkiyadagi davlat to‘ntarishiga urinish vaqtida FETO a'zolari foydalanishgan.

Avvalroq Turkmanistonda Gulen tarafdorlari qamalgani xabar berilgandi.