OAV: KXDRda 3,5 mln kishi AQShga qarshi jang qilish uchun harbiy xizmatga kirishga tayyor

Shimoliy Koreyada qariyb 3,5 mln yosh yigit va pensiyadagi harbiylar mamlakat armiyasiga qabul qilinish haqida murojaat bilan chiqishdi. Ular AQSh bilan jang qilishmoqchi, deb xabar bermoqda «Ryonxap» Shimoliy Koreya OAVga asosan.

Ta'kidlanishicha, uch kun ichida talabalar, yosh ishchilar va pensiyaga chiqqan harbiy xizmatchilardan umumiy hisobda 3,475 mln murojaat kelib tushgan.

9 avgust kuni faqatgina Xvanxe-Pukto viloyatida 89 ming yigit harbiy xizmatga qabul qilishlarini so‘rab iltimosnoma yo‘lladi.

Avvalroq Pentagon rahbari KXDR muammosini urush bilan hal qilishga tayyor ekanini ma'lum qilgandi.