Bo‘stonliq tumanining tog‘li hududida qidiruv-qutqaruv ishlari olib borildi

Joriy yilning 13 avgust kuni soat 10:50 da Toshkent viloyatida istiqomat qiluvchi fuqaro Karmakova T. tog‘da adashib qolganligi to‘g‘risida Tez harakat qilish markaz otryadi tezkor navbatchisiga xabar kelib tushgan. Bu haqda FVV matbuot xizmati xabar berdi.

Xabar beruvchining bergan ma'lumotiga qaraganda, Bo‘stonliq tumani Chimyon qishlog‘i “Kichik Chimyon” tog‘ releflariga o‘zi bilan jami 5 nafar fuqarolar dam olish maqsadida yuqoriga ko‘tarilishadi va adashib qolishadi.

Mazkur holat yuzasidan, Tez harakat qilish markaz otryadining qutqaruv guruhi soat 11:08 da voqea joyiga chiqib bordi.

Shu kunning o‘zida, taxminan soat 12:45 da adashib qolgan fuqarolar “Kichik Chimyon” Gulkam qumli dovonining tog‘ releflarida aniqlanib, ular xavfsiz hududga sog‘-salomat olib tushiriladi. Qutqaruv ishlari davomida fuqarolarga hech qanday tan jarohati yetmadi.