Rimda sayyohlar mikroavtobusi YTHga uchrashi oqibatida 18 kishi jabrlandi

Italiya poytaxti Rim janubida sayyohlar mikroavtobusi yo‘l-transport hodisasiga uchradi. Oqibatda 18 kishi jarohat olgan, ulardan 13 nafari shifoxonaga yetkazilgan. Uch kishining ahvoli og‘ir.

Dastlabki ma'lumotlarga ko‘ra, haydovchi balandligi avtobus tomidan 50 sm past bo‘lgan ko‘prikka urilgan. Oqibatda avtobusning birinchi to‘rtta qatori o‘rindiqlari qo‘porilib ketgan.

Avtobusda Buyuk Britaniya va Fransiyadan 20 ga yaqin sayyoh bo‘lgan. Haydovchi ham xorijlik bo‘lib, unga zarar yetmagan. YTH sababi aniqlashtirilmoqda.