Ish joyida messenjer va elektron pochtadan foydalanish odobidan xabardormisiz?

Ish joyida Slack kabi texnologik dasturlarning ko‘payib borishi qadrdon stoldan uzoqlashmay uzoq vaqt bir maromda ishlash imkoniyatini yaratmoqda. Majlis va yig‘ilishlarsiz yangi yaratilayotgan platformada suhbatlashib, har qanday masalani hal qilib olish mumkin. Topshiriq va hujjatlarni elektron pochtaga yuborib, yo‘l sarfi va vaqtdan yutish imkoniyati bor.

Shu tarmoqda faoliyat olib borayotgan konsalting firmasi mutaxassisi Lena Koropeyning aytishicha, anglangan xabarning 55 foizi uning uzatish holatiga bog‘liq bo‘lib, ovoz, shovqin va shu kabi tafsilotlardan hosil bo‘ladi. Biz asl ma'lumotni xabarning 7 foizlik qismida tushunib olamiz. Tabiiyki, yangi zamon qulayliklariga ko‘nikib borishimiz, undan samarali foydalanish uchun quyidagi beshta qoidaga amal qilib borishimiz kerak.

1. Ma'lumot qabul qiluvchi xodimga talab yoki savollarni aniq yo‘naltiring

Ayrim ma'lumot yoki topshiriqlar barcha uchun birdek majburiy yoki taalluqli emas. Bu elektron platformada ishlashni unumsiz holatga keltirib qo‘yishi mumkin. Shuning uchun, har bir masalani ishchilarga yo‘naltirayotgan paytda o‘ylanib ko‘ring: bu barchaga tegishli xabarmi? Bundan tashqari elektron yozuvlarda savollarni aniq ajratib, lo‘nda tarzda yo‘llang. Bu bilan xat almashinuvlar uyumi ko‘payib ketishiga yo‘l qo‘ymaysiz.

2. Ayrim murojaat va shikoyatlarni umumiy foydalanishdagi platformada bildirilmagani ma'qul

Xodim va hamkasblaringizning aybi bilan yo‘l qo‘yilgan xatolarni, tushunmovchiliklarni jonli suhbatda yetkazish maqsadga muvofiq bo‘ladi. Elektron xat almashinuvi chog‘ida kishi o‘z hissiyoti va holati yetkazib bera olmagani uchun ham xodimlar bunday murojaatdan so‘ng o‘zini yomon his qilishi mumkin. Ayniqsa jamoaviy chat guruhda aytilgan gap uning obro‘iga putur yetkazdi, deb hisoblaydi.

3. Yozuv va matn mantig‘iga e'tiborsiz bo‘lmang

Har qanday sharoitda ham yozuvda grammatik, imlo xatolarining paydo bo‘lishiga yo‘l qo‘ymang. Shuningdek, katta muhokamaga sabab bo‘luvchi murojaatdan saqlanib, uning mantig‘ini soddalashtirib oling.

4. Hamkasblarning bir soat ichida javob yo‘llamagani odatiy holatga aylanishi lozim

Agar bu muhim topshiriq yuzasidan hisobot, ma'lumotnoma bo‘lmasa, xodimning bir soat ichida javob bermasligi odatiy holga aylanib borishi lozim. Negaki, u ayni paytda hujjat va bir dunyo ish tashvishlari bilan ovora bo‘lib qolgan bo‘lishi mumkin. Loyiha va dasturlar yuzasidan odatda bir kunda javob berilishi ijobiy holat, deb tushuniladi. Lekin uch soatda javob bermagan xodim bilan telefon orqali bog‘lanish tavsiya etiladi.

5. Rag‘batni unutib qo‘ymang!

Xabarlar ko‘payib ketganda ayrim ma'lumotlarni o‘tkazib yuborishingiz mumkin. Ammo kechki vaqt ozroq muddat ichida qayta ko‘rib chiqing. Hamkasbingizning ijobiy natijalari, umumiy qo‘lga kiritilgan g‘alabalar, garchi ular kichik bo‘lsa ham rag‘batga muhtoj. Olqishlab, ularni yangi marralar sari olg‘a borishida ruhlantiring.