Pentagon rahbari: KXDRning AQShga zarbasi harbiy harakatlarga olib keladi

AQSh mudofaa vaziri Jyeyms Mettisning ma'lum qilishicha, Shimoliy Koreyaning Qo‘shma Shtatlar hududiga raketa zarbasi keng ko‘lamli harbiy harakatlarga olib kelishi mumkin. Bu haqda Reuters xabar bermoqda.

«Agarda ular AQShga zarba bersa, bu juda tezlik bilan harbiy harakatlarga olib keladi», - degan Pentagon rahbari.

Mettisning so‘zlariga ko‘ra, Vashington shimoliy koreyaliklar raketasi Guamga yo‘naltirilsa, buni darhol bilishga qodir.

Avvalroq OAV KXDR raketalari uchun dvigatellar Ukrainadan olingan bo‘lishi mumkin ekani haqida xabar bergandi.