Gvatemalada jinoyatchilarning shifoxonaga hujum qilishi oqibatida 7 kishi halok bo‘ldi

Gvatemala poytaxti Gvatemaladagi “Ruzvelt” shifoxonasiga hujum qilinishi oqibatida 7 kishi, jumladan 3 qo‘riqchi halok bo‘ldi, 12 kishi yaralandi. Ular orasida bir bola ham bor.

Avtomatlar bilan qurollangan jinoyatchilar guruhi shifoxonada bo‘lgan o‘z sherigini qaytarib olishga uringan va buning uddasidan chiqqan. Natijada “Mara Salvatrucha” jinoiy to‘dasining o‘ta xavfli a'zosi Anderson Daniel Kabrera yashirinishga muvaffaq bo‘lgan.

Politsiyachilar 5 bosqinchini ushlashgan. Mamlakat prezidenti Jimmi Morales qolgan jinoyatchilar qidirilishi davom etishini aytgan.

"Mara Salvatrucha" jinoiy to‘dasi Markaziy va Shimoliy Amerikadagi eng shafqatsiz va eng yirik ko‘cha to‘dalaridan biri hisoblanadi. Ba'zi ma'lumotlarga ko‘ra, to‘daning a'zolari soni 70 ming kishini tashkil qiladi.