Qatar Saudiya Arabistonidan haj ziyoratchilari uchun yuborilgan samolyotlarni o‘z hududiga qo‘ymadi

Saudiya Arabistoni qiroli Salmon  ibn Abdulaziz Ol Saud buyrug‘i bilan qatarlik haj ziyoratchilari uchun Qatar poytaxti Dohaga yuborilgan samolyotlarga Qatarda qo‘nish rad etildi. Bu haqda Sky News Arabia telekanali xabar berdi.  

16 avgustda Saudiya Arabistoni qiroli qatarlik ziyoratchilar uchun chegaralarni ochishga hamda o‘z hisobidan ularni Dohadan Saudiya Arabistoniga yetkazishga buyruq bergandi. Qirol amrida shuningdek qatarliklar uchun quruqlikdagi Salva chegara terminali ochilishi ham ko‘zda tutilgandi.

Ta'kidlanishicha, 100 dan ko‘proq qatarliklar haj amalini ado etgani ushbu terminaldan Saudiya Arabistoniga o‘tishgan. Bojxona xizmati vakillari ziyoratchilarning manfaati uchun kun bo‘yi ishlash tartibiga o‘tishga tayyorliklarini aytishgan.