Chexiyaning Rossiyadagi elchisi: Pragaga hech qanday harbiy bazalar kerak emas

Chexiya rahbariyati mamlakat hududida qandaydir harbiy bazalar bo‘lishi lozim, deb hisoblamaydi. Bu haqda ushbu davlatning Rossiyadagi elchisi Vladimir Remek ma'lum qildi, deb xabar bermoqda RIA «Novosti».

«Hozirda Chexiyada hukmron partiyalardan biri bo‘lgan - Sotsial-demokratik partiya hech qanday harbiy bazalar kerak emas, degan fikrda. Ko‘ramiz, parlament va prezidentlik saylovlaridan so‘ng nima yuz beradi. Biroq, hozirda siyosiy rahbariyat bizning hududda xorijiy bazalarga ehtiyoj yo‘q, degan fikrda. Buni men ma'lum qilishim mumkin», - dedi u.

Shuningdek, uning ta'kidlashicha, «bu hamma shunday fikrda ekanini anglatmaydi». Elchining qayd etishicha, bu hozircha rasmiy pozitsiyadir.

Avvalroq Chexiya prezidenti Trampning sobiq rafiqasidan g‘azabda ekani xabar qilingandi.