Video. Murodjon Ahmadaliyev qozog‘istonlik raqibiga yutqazib, turnirni tark etdi

Bugun, 27 avgust kuni Hamburgda boks bo‘yicha jahon chempionatining uchinchi kun janglari boshlandi.

56 kg. vaznda turnirga kelgan O‘zbekiston vakili Murodjon Ahmadaliyev qozog‘istonlik Qayrat Yeraliyevga qarshi ringga ko‘tarildi.

2013 yilgi jahon chempionatining kumush medali egasi, Rio olimpiadasi bronza medali sohibi hisoblangan Murodjon Ahmadaliyev ushbu jangda 1:4 hisobida yutqazdi va turnirni tark etdi (30:27, 30:27, 30:27, 28:29, 29:28).

Shu tariqa, O‘zbekiston delegatsiyasi Jahon chempionatida dastlabki yo‘qotishga uchradi.

Qayd etish kerakki, ushbu bokschilar shu vaqtgacha ikki marta to‘qnash kelgan bo‘lib, ularning har ikkisida ham o‘zbekistonlik sportchi g‘alaba qozongandi. Xususan, Rio Olimpiadasining chorak finalida Murodjon Ahmadaliyev Yeraliyevni yenggandi.