Merkel: KXDR masalasi faqatgina tinch yo‘l bilan hal qilinishi mumkin

Germaniya kansleri Angela Merkelning ma'lum qilishicha, Yevropa ittifoqi tashqi ishlar vazirlari Shimoliy Koreyaga qarshi navbatdagi sanksiyalar masalasini muhokama qilishadi. Bu haqda Reuters xabar bermoqda.

«Shimoliy Koreyaning yadro sinovlari barcha xalqaro normalarning qo‘pol buzilishi hisoblanadi», - dedi Merkel.

Uning so‘zlariga ko‘ra, ushbu masalada faqatgina tinch, diplomatik yechim bo‘lishi mumkin.

Avvalroq KXDR ballistik raketani g‘arbiy qirg‘oqlariga joylashtirayotgani haqida xabarlar paydo bo‘lgandi.