Fransiya neft va gaz qazib olishni to‘xtatmoqchi 

Fransiya 2040 yilga kelib gaz va neft qazib olishdan voz kechishni rejalashtirmoqda. Fransiya ekologik o‘zgarishlar vaziri Nikola Yulo boshchiligida ishlab chiqilgan qonun loyihasi mamlakatning qit'a qismida konlarni o‘zlashtirish uchun litsenziya berishni to‘xtatish va amaldagi litsenziyalarni asta-sekin bekor qilib borishni nazarda tutadi.

Fransiya neft sanoati ittifoqi rahbari Fransis Dyuse qarorni siyosiy va ramziy, deb atagan.

Ekologik tashkilotlar qonun loyihasidan qoniqish hosil qilishganini bildirishdi.

Fransiyaning qit'a hududida qazib olinuvchi neftning hajmi 815 ming tonna bo‘lib, u mamlakat ehtiyojining atigi 1 foizini qoplaydi.