Meksikadagi zilzila qurbonlari soni 95 nafarga yetdi

Meksikada yuz bergan kuchli zilziladan halok bo‘lganlar soni 95 kishiga yetdi, deb xabar bermoqda mamlakat tashqi ishlar vazirligi.

“Zilzila Oaxaka, Chyapas va Tabasko shtatlariga kuchli talofat yetkazdi va 95 kishining o‘limiga, yuzlab jarohatlanganlarga va ancha katta moddiy ziyonga sabab bo‘ldi”, deb aytilgan xabarda.

Meksika sohillari yaqinidagi 8,2 magnitudali zilzila 8 sentabrda UTC vaqti bilan soat 04.49da yuz berdi. Zilzila o‘chog‘i 33 km chuqurlikda bo‘lgan. Ma'lum qilinishicha, zilziladan keyin vujudga kelgan sunami to‘lqinlarining maksimal balandligi 1 metrga yetgan.