Foto: ulc.ru
14.09.2017 yildagi O‘RQ-446-son Qonun bilan Soliq kodeksining 329 va 330-moddalariga qo‘shimchalar kiritildi. Bu haqda Norma.uz xabar bermoqda.
Tuzatishlarga ko‘ra Fuqarolarning o‘zini o‘zi boshqarish organlari faoliyatini muvofiqlashtirish bo‘yicha respublika kengashi hamda tegishli hududiy kengashlar umumiy yurisdiksiya sudlari va iqtisodiy sudlarga davlat boji to‘lashdan ozod etiladi.
Mazkur imtiyoz fuqarolarning o‘zini o‘zi boshqarish organlari manfaatlari ko‘zlangan da'volarga nisbatan tatbiq etiladi va davlat va xo‘jalik boshqaruvi organlari, mahalliy davlat hokimiyati organlarining qarorlari, ularning mansabdor shaxslari xatti-harakatlari (harakatsizligi) ustidan sudga shikoyat berilganda amal qiladi.
