18:49 / 18.09.2017
32752

MIB xodimiga pora bermoqchi bo‘lgan fermer xo‘jaligi ish yurituvchisi ushlandi (video)

Foto: O‘zbekiston24

Bosh prokuratura qoshidagi Majburiy ijro byurosi Samarqand tumani bo‘limi tomonidan hududda faoliyat ko‘rsatayotgan “Qurbonov Qosim” fermer xo‘jaligining elektr energiyasidan foydalanish ahvoli o‘rganilganda, fermer xo‘jaligi elektr energiyasidan noqonuniy foydalanib, davlatga 58 million so‘mdan ziyod zarar yetkazgani aniqlanib, hujjatlashtirilgan. Bu haqda “O‘zbekiston24” telekanali saytida xabar berildi.

Yillar davomida o‘ziga tegishli tovuqchilik fermasini ishlatish uchun elektr energiyasidan o‘g‘rincha foydalangan fermer xo‘jaligi ish yurituvchisi A.Q. siri ochilgach, yetkazilgan zararni qoplashdan bosh tortib, “yopig‘lik qozonni ochmaslik” uchun MIB xodimiga pora taklif qiladi. 

U joriy yilning 13 sentabr kuni 1200 AQSh dollari miqdorida pora berayotganda ashyoviy dalillar bilan qo‘lga olindi.

Mavzuga oid
Top