Saudiya Arabistoni Qatar bilan inqirozning sababini ma'lum qildi

Saudiya Arabistoni Qatar bilan munosabatlarni terrorchilikka qarshi kurash siyosatiga amal qilib uzdi. Bu haqda BMT Bosh assambleyasida Saudiya Arabistoni tashqi ishlar vaziri Odil al-Jubayr aytib o‘tdi. 

"Qatar bilan munosabatlardagi inqiroz terrorchilikka qarshi siyosatimizga monanddir. Ular tomondan terrorchilikni qo‘llab-quvvatlash siyosati mintaqa va bizning xavfsizligimizga xavf sola boshladi", deb aytgan vazir. 

Uning aytishicha, Qatar u tomondan Fors ko‘rfazining boshqa davlatlari bilan 2013 va 2014 yillarda imzolangan, terrorchilikka qarshi kurash ko‘zda tutilgan kelishuvlarni bajarmagan. 

Iyun boshida Saudiya Arabistoni, BAA, Bahrayn va Misr Qatarni terrorchilikni qo‘llab-quvvatlashda ayblab, u bilan barcha diplomatik aloqalarni uzishgandi va barcha muloqotni to‘xtatishgandi.