O‘zbekistonda Hisor konlar guruhining yangi obektlari ishga tushirildi

Bugun O‘zbekistonda «LUKOYL» OAJ Prezidenti Vagit Alikperov va Respublika Bosh Vaziri Abdulla Aripov Hisor konlar guruhining ishga tushirilishi munosabati bilan tashkillashtirilgan tantanali marosimda ishtirok etdilar.

«Janubi-G‘arbiy Hisor» loyihasi doirasida ishga tushirilgan ishlab chiqarish obektlari qatorida quvvati yiliga 4,4 mlrd. kub.m gazni kompleks tayyorlash qurilmasi, gazni dastlabki tayyorlash qurilmasi hamda oltitta gaz yig‘ish punkti bor. Obektlarning ishga tushirilishi Hisor konlar guruhida gaz qazib olish hajmi loyihada belgilangan yiliga 5,5 mlrd. kub.m gaz yetkazib berish imkononi beradi.

Kompaniya o‘zining xorijiy loyihalari doirasida qazib olayotgan gaz hajmining yarmidan ko‘prog‘i O‘zbekistonga to‘g‘ri keladi. 2017 yilning sentabr oyiga kelib LUKOYL boshqaruvi ostidagi loyihalarda to‘plangan mahsulot ko‘rsatkichi 45 mlrd. kub metrga yetdi. Kompaniya O‘zbekiston Respublikasi hududidagi eng yirik xorijiy sarmoyadordir.