Iroq Kurdistonida mustaqillik referendumi boshlandi

Iroqning Kurdiston muxtor viloyatida mustaqillik masalasida referendum boshlandi. 

Rudaw telekanalining xabar qilishicha, ovoz berish uchastkalari mahalliy vaqt bilan 7:00 da ochilgan va 18:00 da yopiladi. 

Umuman 5,2 mln saylovchi ro‘yxatga olingan, ular "Kurdiston mintaqasi va uning tashqarisidagi kurdlar istiqomat qiladigan hududlar mustaqil bo‘lishini xohlaysizmi?", degan savolga o‘z fikrlarini bildirishlari kerak. Referendum natijasi bir kundan keyin ma'lum bo‘ladi.

Iroq Kurdistoni Oliy mustaqil saylov komissiyasiga ko‘ra, 400 dan ortiq xalqaro kuzatuvchilar ovoz  berishni kuzatmoqda. Referendumni yoritishga 600 dan ortiq jurnalist jalb qilingan. Ularning 3 dan biri xorijiy OAV vakillaridir.