Ohangaronda er xotinini kaltaklab o‘ldirdi

Ohangaron tumanida, 6 sentabr kuni 1988 yilda tug‘ilgan O.T. oilaviy kelishmovchilik oqibatida o‘zaro janjallashib xotini, 1992 yilda tug‘ilgan R.U.ni qo‘l va oyoqlari bilan urib, do‘pposlab unga tan jarohati yetkazgan. Bu haqda Toshkent viloyati IIB xabar berdi.

Natijada jabrlanuvchi tan jarohati olib kasalxonaning jonlantirish bo‘limiga yotqizilgan. Ko‘rsatilgan tibbiy yordamga qaramay, u 7 sentabr kuni shifoxonada vafot etgan.

Ushbu holat yuzasidan O.T.ga nisbatan O‘zbekiston Respublikasi Jinoyat Kodeksining 104-moddasi bilan jinoyat ishi qo‘zg‘atildi. Tergovni IIB olib bormoqda.