Yaponiyaning NHK teleradiokompaniyasining Tokiodagi idorasida ishlagan 31 yoshli ayol jurnalist Miva Sadoning barvaqt o‘limiga haddan ko‘p ishlashi oqibatida yuzaga kelgan yurak yetishmovchiligi sabab bo‘lgan.
The Japan Times nashrining yozishicha, bunday fikrga qizning o‘limi sabablarini aniqlash bilan shug‘ullangan mehnat me'yorlari noziri kelgan. Ma'lum qilinishicha, Sadoning o‘limigacha bir oy ichida u bor-yo‘g‘i ikki kun dam olgan. Qiz bu vaqt ichida me'yordan ortiq 159 soat ishlagan.
Sado 2013 yilda 31 yoshida vafot etgandi. U siyosat bilan bog‘liq voqealarni yoritgan.
Yaponiya me'yordan ortiq ishlash oqibatida o‘lishni rasman tan oluvchi sanoqli davlatlardan biri hisoblanadi.
