JCh-2018 saralashi. Avstraliya Suriyani yenga olmadi

Malayziyaning Malakka shahridagi «Xang Jyebat» stadionida 2018 yilgi Jahon chempionatiga saralashning to‘rtinchi bosqichi doirasida Suriya va Avstraliya terma jamoalari birinchi uchrashuvni o‘tkazishdi. Bu uchrashuvda kuchlar teng keldi - 1:1.

Birinchi bo‘lim oxirida Robbi Kruz avstraliyaliklarni hisobda oldinga olib chiqqandi, ikkinchi bo‘lim oxirida Umar as-Suma penaltidan hisobni tenglashtirdi.

Javob uchrashuvi Sidneyda 10 oktabr kuni bo‘lib o‘tadi.

Suriya va Avstraliya terma jamoalari o‘rtasidagi bahslar g‘olibi noyabr oyida  KONKAKAFning to‘rtinchi vakiliga qarshi o‘ynashi mumkin bo‘ladi.

JCh-2018 Saralashi, Osiyo mintaqasi
Suriya - Avstraliya 1:1
Gollar: 0:1 – Kruz – 40, 1:1 – As-Suma – 85 (pen)